OVQAT ÜÇÜN -Bütün günahlar məndədi, məndə! İlqar Rəsuldan səkkiz sətirlik PAYLAŞIM

İlqar Rəsul

OVQAT ÜÇÜN

-Bütün günahlar məndədi, məndə! Yenə yaxşı ki, qonşu televizora baxandı. Ora keçməsəm, hələ də bilməzdim əslində nə baş verdiyini. Düz deyirlərmiş ki, arada bu şoğərib televizoru açıb baxmaq lazımdi.
-Ay arvad, bir de görək, nə məsələdi də?!
-Day nə deyim , ay bala! Bir aydı koronovirusla bağlı dua edirəm ki, kölgəsi üstümüzdən əskik olmasın!
-Elə niyə?
-Nə bilim, ay bala, gördüm nəvələrə tətil, camaata istirahət verir, pul, yardım paylatdırır, polis gəlir halımı xəbər alır, həkim gəlir temperaturumu soruşur, gülərüz könüllünün biri zibili aparanda o biri pay gətirir, mən boynu sınmış elə bilmişəm koronavirus yaxşı şeydi, hər gün dua eləmişəm ki, yaradan bunu bizə çox görməsin!