Media qurumlarının elektron arxivlərinin etibarlı mühafizəsi

AMEA Mərkəzi Elmi Kitabxanası "Əməkdaşlıq müqavilələri çərçivəsində MEK-də formalaşdırılmış kolleksiyalar" adlı tədbir keçirib.

Olaylar.az xəbər verir ki, MEK-in Kitabxana-xidmət şöbəsinin Kataloqlaşdırma və sistemləşdirmə bölməsinin əməkdaşı Aygün Əliyeva kolleksiyalar haqqında təqdimatla çıxış edib. Bildirib ki, MEK ötən müddətdə bir sıra qurumlarla əməkdaşlıq həyata keçirib, memorandumlar imzalayıb. 

MEK-in media ilə, dövri mətbuatla əməkdaşlığından söz açan A.Əliyeva Azərbaycanın bir sıra aparıcı mətbu orqanlarının nüsxələrinin elektron formatda kitabxananın Milli Rəqəmsal Yaddaş (MRY) bazasına daxil edilməsi haqqında məlumat verib.

BDU-nun Jurnalistika fakültəsinin "Jurnalistika" elmi-tədqiqat laboratoriyasının əməkdaşı Samir Xalidoğlu MEK-in tədbirlərini, fəaliyyətini daim mediadan və sosial şəbəkələrdən izlədiyini, təqdir etdiyini bildirib. 

Sonda MEK-in Kitabxana-xidmət şöbəsinin müdiri Aygün Səfərova kitabxana ilə memorandum imzalayan bütün təşkilatlara təşəkkür edib, aparıcı media qurumlarına elektron arxivlərinin etibarlı mühafizəsi üçün MEK-ə təqdim edilməsi ilə bağlı müraciət edib, daxil olan sənədlərin ciddi şəkildə sistemləşdirilməsi, ictimailəşdirilməsi barədə məlumat verib, bu çalışmaların müsbət nəticələr doğurduğunu söyləyib.