“Azəriqaz”da Mülki Müdafiə Günü qeyd olunub

Azərbaycanın üzv olduğu Beynəlxalq Mülki Müdafiə Təşkilatının təşəbbüsü ilə Ümumdünya Mülki Müdafiə Günü ilə bağlı hər il üzv dövlətlərin ərazisindəki müvafiq idarə və müəssisələrdə tədbirlər keçirilir. "OLAYLAR"-a "Azəriqaz" İstehsalat Birliyindən daxil olan məlumata görə, Azərbaycan Respublikası Dövlət Neft Şirkətinin (SOCAR) "Azəriqaz" İB-nin Bakı Regional Qazın Satışı Departementi və Layihə Konstruktor Bürosunda Ümumdünya Mülki Müdafiə Günü ilə əlaqədar "Fövqəladə hallarda davranış qaydalarına düzgün əməl edilməsi və təhlükəsizliyin təmini hər bir işçinin məsuliyyətinin tərkib hissəsidir" mövzusunda tədbir keçirilib. "Həyəcan siqnalı"nın verilməsi ilə başlanmış tədbirdə yanğın, qəza, fövqəladə hallar zamanı işçilərin binanı tərk etməsində funksional vəzifələrinin icrasına baxış keçirilib. Birliyin Bakı Regional Qazın Satışı Departamentinin rəisi Zehin Rəsulov bildirib ki, fövqəladə hallardan mühafizə sahəsində əhalinin hazırlığını təmin etmək mülki müdafiə orqanları qarsında duran əsas vəzifələrdəndir və fövqəladə halların qarşısının alınması istiqamətində biliklər daim təkmilləşdirilməlidir. Birliyin Mülki müdafiə qərargahının rəisi Eltəkin Qurbanov mülki müdafiə sisteminin işindən, bu sahədə həyata keçirilən tədbirlərdən söz açaraq  "Fövqəladə hallarda davranış qaydalarına düzgün əməl edilməsi və təhlükəsizliyin təmini hər bir işçinin məsuliyyətinin tərkib hissəsidir" mövzuzusunda geniş mühazirə oxunmuşdur.  Tədbirdə Məxfi rejim və hərbi səfərbərlik şöbəsinin böyük mühəndisi Nizami Abışov müvafiq mövzuda çıxış etdikdən sonra,mövzuya uyğun maarifləndirici video materiallar nümayiş etdirilib. Adı çəkilən Departamentin inzibatı binasının I mərtəbəsinin foyesində fərdi mühafizə vasitələrinin və kimyəvi ölçü cihazlarının sərgisi təşkil edilib. Təxliyyə zamanı işçilərdən zədə və xəsarət alan olmayıb.