Müavinətlər artdı: büdcəyə yenidən baxılacaq – Millət vəkili
Mayda 2019-cu ilin dövlət büdcəsinə yenidən baxıla bilər.
Bu sözləri sosial müavinətlərin artırılması fonunda 2019-cu ilin dövlət büdcəsinə yenidən baxılması ilə bağlı suala cavabında millət vəkili Fazil Mustafa deyib. Millət vəkili büdcədən maliyyələşən təşkilatlarda məvaciblərin, onun ardınca isə sosial müavinətlərin artımından sonra 2019-cu ilin dövlət büdcəsinə dəyişikliyi tamamilə mümkün sayıb:
"Son dəyişikliklər fonunda məvacib və müavinətlərin məbləğinin artırılması büdcədə yer almayıb. Bu isə büdcədə daha çox xərclərin düzəldilməsini zəruri edir. Buna görə də mayda 2019-cu ilin dövlət büdcəsinə yenidən baxılacaq və orada düzəlişlər ediləcək. Bundan öncə hələ martın 15-16-da hökumətin hesabatında da bu məsələyə mütləq baxılacaq və müzakirələr zamanı təkliflərim olacaq".
2019-cu ilin dövlət büdcəsində nəzərdə tutulan xərclərlə bağlı struktur dəyişikliyinə gəlincə, millət vəkili tikinti, abadlıq, təmir və digər başqa sahələr üzrə xəclərdə ixtisarların olacağını bildirib.
axar