Ramil Usubov QHT rəhbərinin təklifini gerçəkləşdirdi
"DYP-dən mənə zəng edib dedilər ki, təklifim nəzərə alınıb".
Bu barədə Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov öz feysbuk səhifəsində məlumat verib.
"Daxili İşlər Naziri cənab Ramil Usubovun ünvanına on-line sistem vasitəsi ilə təklif göndərmişdim. Bakı şəhər Dövlət Yol Polisində xidmət almağa (şikayətə və s. səbələrlə) gələn şəxslər üçün qəbul otağının təşkili ilə bağlı. Konstitusiyanın 57-ci maddəsinin verdiyi hüquqdan istifadə edərək nazirə bu orqana bilavasitə müraciət edən şəxslər üçün xüsusi qəbul otağının yaradılması barədə təklif ünvanlamışdım. 06 fevral 2019-cu ildə göndərdiyim müraciətlə bağlı dünən Bakı şəhər DYP-dən mənə zəng edib dedilər ki, təklifim nəzərə alınıb. Məni qəbul otağına baxmağa dəvət etdilər. Yaxın günlərdə mütləq gedib baxacam və əlavə olaraq bu barədə yazacam. Təşəkkür cənab nazir!"