Misirdə Azərbaycanşünaslıq Mərkəzi yaradılacaq
AMEA-nın Tarix İnstitutunun direktoru, akademik Yaqub Mahmudovun rəhbərlik etdiyi nümayəndə heyəti və ölkəmizin Misirdəki səfirliyinin məsul əməkdaşları Qahirə Universitetində olublar. Olaylar.az bnildirir ki, səfər zamanı universitetin Humanitar elmlər fakültəsinin dekanı, professor Əhməd Əş-Şərbini Əs-Seyd, Şərq dilləri departamentinin rəhbəri Cəlal Əs-Səid əl-Həfnəvi və digər alimlərlə görüşlər keçirilib. Görüşdə Azərbaycan və Misir əlaqələrinin tarixindən danışan Y.Mahmudov hər iki ölkənin tədqiqatçıları üçün ortaq tarixi əlaqələr və mədəni dəyərlərin araşdırılmasının vacibliyini vurğulayıb.
AMEA-nın Tarix İnstitutunun direktoru, akademik Yaqub Mahmudovun rəhbərlik etdiyi nümayəndə heyəti və ölkəmizin Misirdəki səfirliyinin məsul əməkdaşları Qahirə Universitetində olublar.
Olaylar.az bildirir ki, səfər zamanı universitetin Humanitar elmlər fakültəsinin dekanı, professor Əhməd Əş-Şərbini Əs-Seyd, Şərq dilləri departamentinin rəhbəri Cəlal Əs-Səid əl-Həfnəvi və digər alimlərlə görüşlər keçirilib. Görüşdə Azərbaycan və Misir əlaqələrinin tarixindən danışan Y.Mahmudov hər iki ölkənin tədqiqatçıları üçün ortaq tarixi əlaqələr və mədəni dəyərlərin araşdırılmasının vacibliyini vurğulayıb.
Akademik erməni təcavüzkarlarının müstəqil Azərbaycana qarşı işğalçılıq siyasətindən, xalqımıza qarşı törədilən soyqırımlardan, xüsusilə Xocalı soyqırımından bəhs edib: "BMT Təhlükəsizlik Şurasının 4 qətnaməsinə baxmayaraq Ermənistan Azərbaycan torpaqlarını hələ də işğal altında saxlamaqda davam edir. Tarixi Azərbaycan torpaqları olan indiki Ermənistan ərazisində və ölkəmizin işğal olunmuş Qarabağ torpaqlarında yüzlərlə tarixi abidə, müsəlman irsi məhv edilir və tarix saxtalaşdırılır. Bu vandalizmə qarşı elmi müstəvidə birləşməliyik".
Professor Əhməd əş-Şərbini isə öz növbəsində hər zaman Azərbaycanın haqlı davasında dəstək verəcəklərini bildirib. Bundan əlavə, Cəlal əl-Səid əl-Həfnəvi universitetdə yüzdən artıq tələbəyə xarici dil kimi Azərbaycan dilinin tədris edildiyini söyləyib.
Y.Mahmudov və Əhməd əş-Şərbini Azərbaycan həqiqətlərinin Misirdə daha geniş yayılması üçün yaxın zamanlarda Qahirə Universitetində Azərbaycanşünaslıq Mərkəzinin yaradılması barədə razılığa gəliblər.