Kaliforniyada Dünya Azərbaycanlılarının Həmrəyliyi Günü qeyd olunub
ABŞ-ınKaliforniya ştatının San Dieqo şəhərində Dünya Azərbaycanlılarının Həmrəyliyi Günü və Kaliforniya Azərbaycan Dostluq Assosiasiyasının yaradılmasının bir illiyi ilə əlaqədar tədbir keçirilib. Azərbaycanın Los Ancelesdəki Baş Konsulluğu və CAFA-nın birgə təşkilatçılığı ilə keçirilən tədbirdə Azərbaycan icmasının üzvləri, yerli seçkili orqanların nümayəndələri, mədəniyyət xadimləri və jurnalistlər iştirak ediblər.
ABŞ-ınKaliforniya ştatının San Dieqo şəhərində Dünya Azərbaycanlılarının Həmrəyliyi Günü və Kaliforniya Azərbaycan Dostluq Assosiasiyasının yaradılmasının bir illiyi ilə əlaqədar tədbir keçirilib. Azərbaycanın Los Ancelesdəki Baş Konsulluğu və CAFA-nın birgə təşkilatçılığı ilə keçirilən tədbirdə Azərbaycan icmasının üzvləri, yerli seçkili orqanların nümayəndələri, mədəniyyət xadimləri və jurnalistlər iştirak ediblər.
Olaylar.az bildirir ki, tədbiri giriş sözü ilə açan CAFA-nın icraçı direktoru Kimiya Məmmədova qonaqları salamlayaraq, hər kəsi bu gözəl gün münasibətilə təşkil edilmiş tədbirdə görməkdən məmnunluğunu ifadə edib. O, icma adından Azərbaycan xalqını və dünyada yaşayan 50 milyon azərbaycanlını Dünya Azərbaycanlılarının Həmrəyliyi Günü münasibətilə təbrik edib.
Azərbaycan Los Ancelesdəki Baş Konsulluğunun konsulu Orxan Rüstəmli çıxış edərək, bütün soydaşlarımızı qarşıdan gələn Dünya Azərbaycanlılarının Həmrəyliyi Günü və Yeni il bayramı münasibətilə təbrik edib və CAFA-ya gələcək fəaliyyətində uğurlar arzulayıb.
Daha sonra çıxış edən San Dieqo-Bakı Dostluq Assosiasiyasının içraçı direktoru Martin Kruminq və Los Anceles Dinlərarası Şurasının sədri Yepiskop Xuan Karlos Mendez də öz növbələrində xalqımızı bu gözəl bayram münasibətilə təbrik ediblər. Tədbirdə həmçinin San Dieqo şəhərində və vilayətində 31 dekabrın "Azərbaycanlıların Həmrəylik Günü" elan olunmasına dair müvafiq bəyannamələr təqdim olunub.
Tədbir Azərbaycan musiqisindən nümunələr və Azərbaycan icmasının üzvü Ləman Musayevanın ifasında Azərbaycan rəqsləri ilə davam edib.Qonaqlar həmçinin San Dieqonun tanınmış azərbaycanlı kulinar-aşpazı Leyla Bayramovanın hazırladığı Azərbaycan mətbəxinin ən müxtəlif ləziz təamları ilə tanış olublar.