Nazirliyin əməkdaşlarına Vikipediya təlimləri keçirilib

AMEA-nın Mərkəzi Elmi Kitabxanasının Vikipediya Təlim Mərkəzində Ekologiya və Təbii Sərvətlər Nazirliyinin əməkdaşları üçün təlim keçirilib. Olaylar.az bildirir ki, təlimdə nazirliyin Meşə inkişafı, Təbiət ərazilərinin inkişafı, Milli Hidrometeorologiya Departamentlərinin, Milli Geoloji Kəşfiyyat Xidmətinin Geologiya və marketinq şöbəsinin əməkdaşları iştirak ediblər.

29 Noyabr 2018 13:45 Sosial

Vikipediyada məqalələrin yerləşdirilməsinə dair bilik və bacarıqların formalaşdırılması məqsədi daşıyan təlim MEK-in Sərbəst elektron resurslar şöbəsinin Təlimlər bölməsinin rəhbəri Günay Məmmədova tərəfindən keçirilib.

Son 3 ildə Mərkəzi Elmi Kitabxanada ardıcıl surətdə vikipediya təlimlərinin təşkil edildiyini bildirən G.Məmmədova qeyd edib ki, təlimlərin başladığı vaxtdan bugünə qədər 40-dan çox qrup qəbul edilərək, Vikipediya üzrə ödənişsiz maariflənmə imkanına yiyələnib.

Təlim keçən əməkdaşlar Vikipediyaya maraq göstərənlərin günü-gündən artdığını, AMEA-nın institutları ilə yanaşı, digər təşkilatların da təlim üçün müraciət etdiklərini vurğulayıb, təlimlərin Azərbaycanca vikipediyada keyfiyyətli məqalələrin sayının artmasına səbəb olmasını bildiriblər.

Qeyd edək ki, MEK Vikipediya Təlim Mərkəzində son üç ildə AMEA Respublika Seysmoloji Mərkəzinin, İqtisadiyyat, Ədəbiyyat, Zoologiya, Torpaqşünaslıq və Aqrokimya, Əlyazmalar, Ədəbiyyat, Kataliz və Qeyri-üzvi Kimya, Fizika institutlarının və Hüseyn Cavidin Ev Muzeyinin və Milli Azərbaycan Tarixi Muzeyinin əməkdaşlarına, Bakı Dövlət Universitetinin, Bakı Slavyan Universitetinin tələbələrinə, Kaspi liseyinin şagirdlərinə, SOCAR və digər təşkilatlardan əməkdaşlara viki-təlimlər keçirilib.

Təklifinizi, şikayətinizi bizə yazın. Sizi dinlərik. 055 634 88 31