Badamdar sürüşmə sahəsində gərginlik artıb

Son günlər yağan yağışlar nəticəsində Badamdar sürüşmə sahəsində gərginlik artıb.

Ekologiya və Təbii Sərvətlər Nazirliyindən verilən məlumata görə, Badamdar sürüşmə sahəsində Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin mütəxəssisləri tərəfindən aparılan monitorinqin nəticəsinə əsasən, ərazidə gərginlik qalmaqdadır.

Son günlər yağan yağış nəticəsində sürüşmənin baş hissəsində asılı vəziyyətdə olan iri qaya parçasının qopması və yamac aşağı irəliləməsi müşahidə edilib. Sürüşmənin alt hissəsində isə yeni çatlar qeydə alınıb.

Monitorinqlər davam etdirilir.