İki universitet arasında əməkdaşlıq müqaviləsi imzalandı

Azərbaycan Dillər Universiteti ilə Bakı Mühəndislik Universiteti arasında elm və təhsil sahələrində əməkdaşlığa dair çərçivə sazişi və elmi-texniki əməkdaşlıq protokolu imzalanıb.

ADU-nun rektoru, akademik Kamal Abdulla Bakı Mühəndislik Universitetinin nümayəndə heyətini universitetdə görməkdən məmnun olduğunu bildirib. Rektor vurğulayıb ki, Azərbaycan universitetlərinin bir-biri ilə əlaqəsi son dərəcə vacib məsələdir. Bu baxımdan texniki universitetlə humanitar universitet arasında belə bir sazişin imzalanması faydalı bir aksiya kimi qiymətləndirilə bilər.

BMU-nun rektoru professor Havar Məmmədov dəvətə görə minnətdarlığını  bildirib. İki universitet arasında əməkdaşlığa dair protokolun imzalanmasının əhəmiyyətindən danışan H.Məmmədov təşəbbüsə görə K.Abdullaya təşəkkürünü ünvanlayıb.

Digər çıxışçılar müqavilənin əhəmiyyətindən bəhs ediblər.