ABŞ səfirliyi amerikalıları Fransadakı iğtişaşlarla bağlı xəbərdar etdi-ÖZƏL

ABŞ-ın Fransadakı səfirliyi amerikalıları ölkədəki iğtişaşlarla əlaqədar ehtiyatlı olmağa çağırıb. Olaylar.az xəbər verir ki, məlumat səfirliyin saytında dərc edilib.
Bəyanatda deyilir: "Fransada tələbə etirazları davam edir və bəziləri iğtişaşlara çevrilib. Yürüşlər məktəb kampuslarının qarşısında keçirilir. Fransada yüzlərlə orta məktəb bağlanıb. Tələbə təşkilatları 6 oktyabrda tələbə həmkarlar ittifaqlarının, təhsil birliklərinin və valideyn birliklərinin iştirakı ilə vahid etiraz günü keçirməyə çağırır".
Səfirlik Amerika vətəndaşlarını nümayişlərin keçirildiyi ərazilərdən uzaq durmağa və yerli medianın xəbərlərini izləməyə çağırıb.