Mirzoyan ABŞ nümayəndəsi Arje Laytstoun ilə görüşdə sülh və iqtisadi əməkdaşlığı müzakirə edib – ÖZƏL

Olaylar.az xəbər verir ki, Ermənistanın Xarici İşlər Naziri Ararat Mirzoyan ABŞ-nin sülh missiyaları üzrə xüsusi nümayəndəsinin baş müşaviri Arje Laytstounu qəbul edib. Görüşdə 2025-ci ilin avqustunda Vaşinqton sammitindən sonra Ermənistan və Azərbaycan arasında əldə olunmuş sülhün möhkəmləndirilməsi, TRIPP proqramının tezliklə həyata keçirilməsi və ikitərəfli strateji tərəfdaşlıq məsələləri müzakirə olunub. 

Tərəflər həmçinin regional nəqliyyat-infrastruktur layihələrinə inteqrasiya, energetika dayanıqlılığı və "Firebird AI" şirkətinin süni intellekt mərkəzinin tikintisi daxil olmaqla texnoloji əməkdaşlığın inkişafını yüksək qiymətləndiriblər.