Rusiya və Ermənistan arasında nəqliyyat dəhlizləri uğrunda gərginlik artır – ÖZƏL

16:51 Siyasət

Olaylar.az xəbər verir ki, "Stratfor" analitik mərkəzinin hesabatına görə, Rusiya Ermənistanı öz orbitində saxlamaq üçün təzyiqləri davam etdirəcək, lakin münasibətləri tam qoparmamağa çalışacaq. 

Hazırda əsas münaqişə predmeti ABŞ-nin dəstəklədiyi TRIPP tranzit layihəsi və Ermənistan dəmir yollarının Rusiyanın nəzarətindən çıxarılması cəhdləridir. Rəsmi Moskva İrəvanın dəmir yollarını üçüncü tərəfə ötürmək təklifini rədd edərək, qaz qiymətləri, ticarət məhdudiyyətləri və hərbi amillərlə hədələyir. Rusiyanın cavab addımlarının sərtliyi mayın 4-5-də keçiriləcək Aİ-Ermənistan sammitinin nəticələrindən asılı olacaq. 

Yaxın Şərqdəki qeyri-sabitlik TRIPP layihəsini müvəqqəti ləngitsə də, uzunmüddətli perspektivdə Azərbaycanın Naxçıvanla əlaqəsi üçün Ermənistan üzərindən alternativ marşrutların strateji əhəmiyyətini artıra bilər.

Təklifinizi, şikayətinizi bizə yazın. Sizi dinlərik. 055 634 88 31