Ulu Öndər Azərbaycan dövlətçiliyini yoxolma təhlükəsindən xilas etdi- ÖZƏL
"32 il öncə 1993-cü ilin iyun ayının əvvəlində Azərbaycan çox təhlükəli dövrünün yaşayırdı. XX əsrin sonunda müstəqilliyini yenidən bərpa edən Azərbaycan dünyanın siyasi xəritəsindən silinmə təhlükəsi ilə üz-üzə idi. Məhz belə çətin və mürəkkəb siyasi proseslərin cərəyan etdiyi bir zamanda Ulu öndər Heydər Əliyev Azərbaycan dövlətçiliyini yoxolma təhlükəsindən xilas edib, qısa zaman kəsiniyində dünyanın ən sürətlə inkişaf edən dövlətlərindən birinə çevrildi. Əgər zamanında Ulu Öndər belə bir çox çətin prosesin altına girərək məsuliyyəti üzərinə götürməsəydi, o zaman tamamilə fərqli situasiya yaranardı". Bunu "Olaylar"a açıqlamasında Milli Məcliisn deputatı Məlahət İbrahimqızı deyib. Onun sözlərinə görə, xalqın tələbi ilə yenidən hakimiyyətə gələn müdrik, peşəkar dövlət xadimi Ulu öndər Heydər Əliyev öz bacarığı ilə ən qısa zamanda Azərbaycanı üzləşdiyi xaosdan, böhrandan, vətəndaş qarşıdurmasından xilas edib, siyasi sabitliyi və davamlı inkişafın əsasını qoydu. "Ulu öndərin liderliyi altında düzgün müəyyən edilmiş inkişaf strategiyası nəticəsində Azərbaycanı cəmi bir neçə ildən sonra beynəlxalq aləmdə nüfuzlu və hörmət edilən ölkələrdən birinə çevrildi. Baxmayaraq ki, bu illər ərzində Azərbaycan çox ciddi xarici təhdidlərlə üz-üzə qaldı. Lakin Ulu öndərin peşəkarlığı, müdrikliyi nəticəsində Azərbaycan bütün bu təhlükələri adlaya bildi".
Deputat əlavə edib ki, Azərbaycanın güclü və qüdrətli dövlətə çevrilməsi istiqamətində genişmiqyaslı islahatlarla yanaşı, ciddi transmilli layihələr işlənərək həyata keçirilməyə başlandı: "Yürüdülən uğurlu çoxtərəfli diplomatiya, həyata keçirilən meqalayihələr nəticəsində Azərbaycan nəinki iqtisadi cəhətdən inkişaf edirdi, eyni zamanda müstəqilliyi dönməz xarakter almaqla yanaşı, təhlükəsizliyinə ciddi zəmanətlər yaradıldı. Ulu öndərin Azərbaycanın dünyanın güclü və qüdrətli dövlətə çevrilməsi ilə bağlı həyata keçirə bilmədiyi bütün planları isə onun siyasi irsinin layiqli davamçısı cənab Prezident İlham Əliyev reallaşdırdı. Ulu öndərin ən ağırılı problemi havadaralırnın dəstəyi ilə Azərbaycan torpaqlaırnı işğal edən Ermənistanın işğalına son vermək idi. Cənab Prezident İlham Əliyevin liderliyi altında Azərbaycan nəinki Ermənistanın işğalına son verib ərazi bütövlüyünü, suverenliyini bərpa etdi, həm də dünya erməniçiliyini məğlub etməklə beynəlxalq münasibətlər sistemində tamamilə yeni reallıqlar yaratmış oldu.
Artıq Azərbaycan Avrasiya coğrafiyasının yeni enerji dəhlizini müəyyən etməyib, həm də digər logistik dəhlizlərin qovşağına çevrilib. Bütün bunlar isə cənab Prezident İlham Əliyevin qlobal çağırışlara zamanında çevik reaksiya verərək yürütdüyü siaysət nəticəsində mümlün olub. Bunun nəticəsidir ki, bu gün artıq Azərbaycan təkcə Cənubi Qafqazın lider ölkəsi yox, həm də regional və qlobal proseslərdə ciddi oyunçu rolunda çıxış edən orta güc kimi qəbul edilir. Bu gün Azərbaycan təkcə təmsil olunduğu bölgədə deyil. onun hüdudlarından daha geniş coğrafiyada ciddi təsir gücünə malik olan ölkə rolunda çıxış edir. Əminəm ki, Azərbaycan cənab İlham Əliyevin liderliyi altında hələ çox uğurlara və qələbələrə imza atacaq. Azərbaycan dünyanın ən inkişaf etmiş ölkələri sırasında yer alacaq".