Ermənistanın ABŞ-dəki səfiri Ermənistan-Azərbaycan münasibətlərini müzakirə edib – ÖZƏL

Ermənistanın ABŞ-dəki fövqəladə və səlahiyyətli səfiri Lilit Makunts Alman Marshall Fondunun "Demokratiya Alyansı" təşəbbüsünün rəhbəri Devid Salvo ilə görüş keçirib. 

Olaylar.az xəbər verir ki, Ermənistanın ABŞ-dəki səfirliyinin mətbuat xidmətinin verdiyi məlumata görə, görüş zamanı regional proseslər, Ermənistan-Azərbaycan sülh prosesi və sülh sazişinin yekun mətninə dair məsələlər müzakirə olunub. 

Qeyd edək ki, Fond transatlantik və qlobal məsələlər üzrə araşdırma və təhlil aparan qeyri-partiya yönümlü analitik mərkəzdir.