Türkiyənin Azərbaycanla olan əməkdaşlığı zamandan və məkandan asılı deyil - Hakan Fidan

Türkiyənin Azərbaycanla olan əməkdaşlığı zamandan və məkandan asılı deyil.

Bu barədə Türkiyə xarici işlər naziri Hakan Fidan Azərbaycan xarici işlər naziri Ceyhun Bayramovla keçirilən birgə mətbuat konfransında çıxışında deyib.

Nazir qeyd edib ki, Azərbaycan hər çətin dövrdə Türkiyənin yanında dayandı.

"Bundan sonra da eyni yolu getməyə davam edəcəyik. Münasibətlərimizi daha da inkişaf etdirmək üçün bütün gücümüzlə çalışırıq. 15 milyard dollar ticarət hədəfimizə çatmaq üçün daha çox çalışmalıyıq.

Qars-Naxçıvan dəmiryolu layihəsinin ən qısa zamanda fəaliyyətə başlamasını istəyirik", - deyə o bildirib.