Alpaqutun daha çox tanınması üçün mühüm addımlar atılacaq- ÖZƏL

Dünya Alpaqut Federasiyasının növbəti iclası keçirilib. "Olaylar"ın məlumatına görə, bu barədə Dünya Alpaqut Federasiyasının Prezidenti Jalə Əhmədova məlumat verib: "Dünya Alpaqut Federasiyasının növbəti iclası çərçivəsində, təşkilatın gələcək inkişafı və yayılması üçün müxtəlif planlar müzakirə edildi. Bu iclasda, xüsusilə Alpaqut döyüş sənətinin daha geniş tanıdılması, beynəlxalq yarışların təşkili və idmançıların təlimləri kimi məsələlərə diqqət yetirildi. Federasiya, Alpaqutun müxtəlif ölkələrdə daha çox tanınması və qəbul edilməsi üçün strateji addımlar atmağı hədəfləyir".