Ermənistan parlamenti delimitasiya komissiyası barədə qərar verdi
Ermənistan parlamenti delimitasiya komissiyalarının iş reqlamentini təsdiqləyib
Olaylar.az xəbər verir ki, bu barədə erməni KİV məlumat yayıb.
Ermənistan parlamenti sərhədlərin delimitasiyası üzrə Ermənistan və Azərbaycan dövlət komissiyalarının fəaliyyətinin əsasnaməsi layihəsini təsdiqləyib.
67 deputat səsvermədə iştirak verib. Müxalifətdə olan "Hayastan" və "Mənim şərəfim var" fraksiyaları sənədin gələcəkdə anti-dövlət güzəştlərinə haqq qazandırmaq məqsədi daşıdığını hesab edərək müzakirə və səsvermədə iştirak etməyiblər.
Qeyd edək ki, sentyabrın 26-da Ermənistan Konstitusiya Məhkəməsi SSRİ-nin dağılması zamanı istifadə edilən xəritələrə istinad edərək delimitasiya komissiyasının əsasnamə layihəsini Konstitusiyaya uyğun tanıyıb. Oktyabrın 21-də Milli Məclisin Xarici əlaqələr komissiyası reqlamenti təsdiq edərək deputatların müzakirəsinə göndərib.