Gənc seçici: “İnanıram ki, 7 fevral seçkilərində də ən fəal zümrə gənclər olacaqlar”

"Qalib ölkənin seçicisi olmaq xüsusi qürurverici hissidir. Gənclər ölkəmizin ictimai-siyasi proseslərində hər zaman aktiv rolu ilə seçilir. İnanıram ki, 7 fevral seçkilərində də ən aktiv zümrə məhz gənclər olacaq". Bu fikirləri secki-2024.az saytına açıqlamasında seçkilərdə ilk dəfə səs verəcək gənc seçici Nigar Əliyeva deyib.

O bildirib ki, ilk səsvermə hüququndan məhz 7 fevralda - Azərbaycanın bütün suveren ərazilərində keçiriləcək seçkilərdə istifadə edəcək: "Bu, xüsusi bir hissdir. Bir Azərbaycan gənci olaraq öz azad seçimimi edəcəm. Həm televiziyadan, həm də dövrü mətbuatdan seçki platformaları ilə tanış olmaq imkanımız var".