90 saylı Ağsu seçki dairəsində 3 560 nəfər ilk dəfə səs verəcək

"90 saylı Ağsu seçki dairəsi bütövlükdə rayonun inzibati ərazisini əhatə edir. Seçki dairəsi üzrə 62 seçki məntəqəsi fəaliyyət göstərir. Ümumən 52 162 seçicimiz var". Bu barədə secki-2024.az saytına açıqlamasında 90 saylı Ağsu dairə seçki komissiyasının (DSK) sədri Azad Dursunəliyev deyib.

DSK sədri bildirib ki, ötən dövr ərzində seçki məntəqələrinin hər biri lazımi inventarlarla təchiz olunub: "Məntəqə seçki komissiyalarının üzvləri ilə treninqlər keçirilib. 3 560 nəfər ilk dəfə səs verəcək seçici qeydə alınıb ki, onların 102 nəfəri 18 yaşı təzə tamam olanlardır. 100 yaşdan yuxarı seçicilərin sayı isə 2 nəfər təşkil edir. DSK üzrə bu günə qədər 550 nəfər qeydiyyatdan çıxma vərəqi alıb. Seçiçi siyahıları ilə bağlı tam dəqiqləşdirmələr aparılıb. Seçicilər elektron şəkildə öz adlarını seçici siyahısında müəyyənləşdirə bilər".