TDT-nin üzvü olan bütün ölkələrdən müşahidəçilər Azərbaycanda seçkiləri izləyəcəklər

Bu il fevralın 7-nə təyin edilmiş Azərbaycan Respublikası Prezidenti seçkilərini Türk Dövlətləri Təşkilatına (TDT) üzv olan bütün ölkələrdən müşahidəçilər izləyəcəklər.

Olaylar.az xəbər verir ki, bunu secki-2024.az saytına açıqlamasında TDT-nin Azərbaycandakı prezident seçkilərini müşahidə missiyasının rəhbəri Dastan Urmanbetov bildirib.

D.Urmanbetovun sözlərinə görə, hazırda müşahidəçilərin siyahısı və missiyanın Azərbaycanda fəaliyyət proqramı dəqiqləşdirilir.

TDT-nin müşahidə missiyasının fevralın 4-dən 8-dək Azərbaycanda səfərdə olacağı nəzərdə tutulub.