Cənubi Qafqazda təhlükəsizlik problemləri qalmaqdadır- ÖZƏL

"Azərbaycan Müdafiə Nazirliyində kadr dəyişikliyi, xüsusilə Quru Qoşunlarının komandanlığına Vətən müharibəsi qəhrəmanı, ikinci Qarabağ müharibəsində misilsiz qəhrəmanlıq etmiş general-leytenant Hikmət Mirzəyevin gətirilməsi ordunun  döyüş qabiliyyətinin artırılmasına və şəxsi heyətin mənəvi-psixoloji hazırlığının yüksəldilməsinə gətirib çıxaracaq. Bununla Azərbaycan ordusunun Türkiyə modelinə keçməsi uğurla həyata keçiriləcək".  "Olaylar" xəbər verir ki, bunu deyən politoloq Məhəmməd Əsədullazadənin sözlərinə görə, general -leytenant Hikmət Mirzəyev milli kadr olaraq Ermənistan ordusu ilə  girdiyi döyüşləri qələbə ilə başa çatdırıb:
"Cənubi Qafqazda təhlükəsizlik problemləri qalmaqdadır. Dünyada yeni hərbi böhranlar inkişaf edir. Ermənistanla sülh müqaviləsi bağlanmayıb. Azərbaycan ordusu təkcə xüsusi təyinatlılardan və komando hərbi birliklərdən ibarət deyil. Ordunun Türk -NATO modelinə keçməsi üçün əlavə vəsait və ciddi maliyyə xərcləri tələb edir. Müasir döyüş qabiliyyətinin artırılması üçün  məhz davam etməkdə olan köhnə modeldən imtina etmək lazımdır".