Fransadan hər cür pisliyi və ədalətsizliyi gözləyirik - Oqtay Qasımov - ÖZƏL

"Fransanın Azərbaycana  qarşı düşmən mövqeyi təbii ki, bizi təccübləndirmir".

Bu fikirləri politoloq Oqtay Qasımov Olaylar.az-a   açıqlamasında bildirib:

"Fransa senatı həmin qurumdur ki, 2020-ci ilin 44 günlük müharibəsindən sonra Qarabağın dırnaqarası müstəqilliyini tanıyan qətnamə qəbul etmişdir. Hal-hazırda da bu proses davam etməkdədir. Nəzərə almaq lazımdır ki, Qarabağdan ermənilərin kütləvi köçünün təşkil olunmasında Fransanın rolu var. Fransa əslində, Azərbaycana heç bir təsir etmək imkanının olmadığını görüb belə bir təxribatı həyata keçirməklə sonradan Azərbaycana qarşı beynəlxakq təzyiqlərin təşkilinə nail olmağa çalışıb. Bu addım da növbəti düşmən mövqeyinin nümayişi olacaq. Təbii ki, biz Fransadan hər cür pisliyi və ədalətsizliyi gözləyirik. Buna qarşı da adekvat addımlarımızı təbii ki, atacağıq. Yəni, bu məsələ hələ uzun zaman bölgəyə nüfus etmək, öz təsir imkanlarını artırmaq istəyən dövlətlərin əlində bir təzyiq vasitəsi olaraq qalacaq deyə düşünürəm. Ona görə də Fransanın bu addımları bizi təəccübləndirmir".

Qeyd  edək ki,  Fransa  senatının yanvarın 17-də   Azərbaycanı  pisləyən və  ermənilərin  Qarabağa qayıtmaq  hüququnu  tələb  edən  qətnamə  qəbul  edəcəyi  haqqında məlumatlar. yayılıb. Xəbərə  görə qətnamədə  Azərbaycana  qarşı  sanksiyaların  tələbi  də  olacaq.