Prezident İlham Əliyev: Gənc füzulililərin öz doğma torpağına qayıtması xalqımızın böyüklüyünü göstərir

Şadam ki, gənc nəsil də - füzulililərin gənc nəsli də öz doğma torpağına gəlməyə qərar verdi. Bu, doğrudan da böyük hadisədir.

Olaylar.az AZƏRTAC-a istinadən bildirir ki, bu sözləri Prezidenti İlham Əliyev oktyabrın 17-də "Füzuli Şəhəri Günü"ndə Füzuli şəhərinə köçmüş sakinlər və rayon ictimaiyyətinin nümayəndələri ilə görüşündə deyib.

Dövlətimizin başçısı bildirib ki, çünki uşaqlar, yeniyetmələr, gənc nəsil bu torpaqları görməyiblər. Bu, (Füzulililərin gənc nəslinin də öz doğma torpağına gəlməyə qərar verməsi - red.) xalqımızın böyüklüyünü göstərir. Onu göstərir ki, biz öz doğma diyarımıza bağlı olan xalqıq.