Xalqın Ümummilli Lideri Heydər Əliyev, lideri isə İlham Əliyevdir - Deputat

"Xalqın Ümummilli Lideri Heydər Əliyev, lideri isə İlham Əliyevdir. Prezident İlham Əliyevin hakimiyyətdə olduğu və ondan əvvəlki müddət hamar olmayıb". Olaylar xəbər verir ki, bunu Milli Məclisin parlamentin xüsusi iclasında çıxışı zamanı deyən deputat Siyavuş Novruzovun sözlərinə hörə, Heydər Əliyevin oğlu olmaq həm şərəfli, həm də məsuliyyətlidir: "Bu gün Ulu Öndərin siyasəti əsasında aparılan işlərin nəticəsində nailiyyətlərin əldə olunmasının şahidiyiq. Prezident İlham Əliyevə qarşı olan haqsızlıqların çoxunu bilirik. Hələ o vaxt Heydər Əliyevə qarşı Qorbaçov və ətrafında olan ermənilərin ən ağrı zərbələrini məhz Prezident alıb. Demokratiya qırıntıları Heydər Əliyevin oğlu olduğuna görə İlham Əliyevin Naxçıvana getməsinin qarşısını alırdılar. Bax, bu cür ağrılı və əziyyətli proseslərdən keçib. Prezident İlham Əliyev 5 dövlət çevrilişinə cəhdin qarşısının alınmasında Ulu Öndərlə çiyinə-çiyinə çalışıb. Bundan başqa, 2003-cü ildəki seçkidən sonra AXCP-Müsavat dəstəsi Azadlıq meydanına tökülüşdülər. O zaman da İlham Əliyevin qətiyyəti nəticəsində çevrilişə cəhdlərin qarşısı alındı. Həmçinin dövlətimizin çörəyini yeyən Prezident Aparatının şöbə müdirləri, digər şəxslər çevriliş etmək istəyirdilər. Sonrakı dövrlərdə də baş verən bu kimi cəhdləri İlham Əliyev Azərbaycana qarşı təxribat aparanların qarşısını aldı və nəticə qələb ilə başa çatdı. Bir sözlə, Prezidentin bütün gördüyü işlər Ümummilli Lider Heydər Əliyevin siyasi xəttidir. 1920-ci ildən bu yana kimsə xalqın lideri hesab olunmayıb. Xalqın Ümummilli Lideri Heydər Əliyev, lideri isə İlham Əliyevdir".