Azərbaycanın İƏT-lə münasibətlərinin dərinləşməsinə də önəm verilir - ÖZƏL

12 Oktyabr 2023 12:31 Siyasət

"Cənab Prezident İlham Əliyevin müəyyənləşdirdiyi siyasətə uyğun olaraq Azərbaycanın xarici iqtisadi əlaqələrinin genişləndirilməsi istiqamətində kompleks tədbirlərin həyata keçirilməsi daim diqqət mərkəzində saxlanılır. Bu baxımdan ölkəmizin bir sıra beynəlxalq qurumlarla, o cümlədən İqtisadi Əməkdaşlıq Təşkilatı (İƏT) ilə münasibətlərin dərinləşməsinə də önəm verilir".

"OLAYLAR" xəbər verir ki, bu fikirləri iqtisad üzrə fəlsəfə doktoru Fərhad Möhbalıyev səsləndirib. O bildirib ki, Azərbaycan müstəqilliyini bərpa etdikdən sonra ilk daxil olduğu qurumlardan biri İqtisadi Əməkdaşlıq Təşkilatıdır. Məhz oktyabrın 10-da Şuşa şəhərində İƏT-in Nazirlər Şurasının 27-ci iclasının keçirilməsiAzərbaycanın bu qurumla sıx əməkdaşlığının göstəricisidir: 

"Azərbaycan İqtisadi Əməkdaşlıq Təşkilatının fəal üzvüdür və təşkilata üzv olan dövlətlərlə münasibətlərinə xüsusi əhəmiyyət verir. Nüfuzlu tədbirlərin Şuşada keçirilməsi də ölkəmizin artan beynəlxalq statusundan xəbər verir".

Təklifinizi, şikayətinizi bizə yazın. Sizi dinlərik. 055 634 88 31