Əsrlər boyu Heydər Əliyev siyasəti, siyasi irsi öyrəniləcək, tədqiq ediləcək - ÖZƏL

"Hələ əsrlər boyu Heydər Əliyev şəxsiyyəti, siyasəti, siyasi irsi və dünyagörüşü öyrəniləcək, tədqiq ediləcək. Gələcək nəsillər isə öyrəndiklərindən səmərəli istifadə edərək böyük uğurlara imza atacaqlar". Bu fikirləri "OLAYLAR"-a ictimai-siyasi fəal Anar Salehoğlu səsləndirib. O bildirib ki,  bu il hər birimiz üçün əziz və doğma ildir:

"Çünki, xalqımızın xilaskarı, Ulu öndər Heydər Əliyevin 100 illik yubileyi qeyd olunacaq. Azərbaycan gəncliyi bu fürsətdən istifadə edərək dünya şöhrətli siyasətçi, ictimai-siyasi xadim, əvəzolunmaz şəxsiyyət Heydər Əliyev haqqında geniş araşdırmalar apara və məqalələr yaza bilərlər. Sözsüz bu onların şəxsi inkişafına güclü təsir göstərəcək".