"Bu cür mühüm görüşü təşkil etdiyinə görə Azərbaycana təşəkkür edirəm"

Bu cür mühüm görüşü təşkil etdiyinə görə Azərbaycana və Prezident İlham Əliyevə təşəkkür edirəm.

Olaylar.az trend-ə istinadən bildirir ki, bunu Beynəlxalq Miqrasiya Təşkilatının (BMqt) Baş Direktoru Antonio Manuel De Carvalho Ferreira Vitorino Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşündə çıxışı zamanı deyib.

"Üzləşdiyimiz çətinliklərdən dərs çıxarmalıyıq. Bu, bizim üçün gələcəkdə də bu kimi pandemiyalarla qarşı-qarşıya gəldikdə nələr etməli olduğumuzu göstərəcək. Bu kimi çətinliklərlə mübarizə aparmaq üçün qlobal həmrəylik sərgiləməliyik", - deyə o əlavə edib.

Qeyd edək ki, martın 2-də Bakı şəhərində Qoşulmama Hərəkatının COVID-19-a qarşı mübarizə üzrə Təmas Qrupunun Sammiti keçirilib. Sammitdə 70-ə yaxın ölkənin dövlət və hakimiyyət rəhbərləri, Bosniya və Herseqovina, Türkmənistan, Özbəkistan, İraq və Liviyanın prezidentləri; Kuba, Qabon, Tanzaniyanın vitse-prezidentləri; Əlcəzair və Keniyanın baş nazirləri; müxtəlif ölkələrin yüksək vəzifəli nümayəndəəri, habelə beynəlxalq təşkilatların rəhbərləri - Dünya Turizm Təşkilatının baş katibi Zurab Pololikaşvili, Beynəlxalq Miqrasiya Təşkilatının baş direktoru Antonio Vitorino, BMT-nin Cenevrə ofisinin baş direktoru Tatyana Valovaya, İqtisadi Əməkdaşlıq Təşkilatının baş katibi Xusrav Noziri, nazirlər, nazir ümavinləri, səfirlər və digər rəsmi şəxslər iştirak ediblər.