Olaylar.az xəbər verir ki, bunu siyasi ekspert Azər Həsrət deyib.

"O mənada ki, ötən ilin sentyabr ayından başlayan bu iğtişaşlar, xalq ayaqlanması davam edən bir proses kimi diqqət cəlb edir və ondan savayı, istər güney azərbaycanlılar, istərsə də, bütünlükdə iranlılar xaricdə, yəni, Avropada, Amerikada və başqa ölkələrdə faktiki olaraq İrandakı fars molla rejiminin dəyişdirilməsi, devrilməsi üçün tam olaraq səfərbər ediliblər. Yəni, bu baxımdan düşünürəm ki, fərqli, nadir bir siyasi hərəkata sahiblik edirik və nəticə etibarilə də, ümid etmək istəyirik ki, Güney Azərbaycan Cümhuriyyəti qurulacaq, İran adlı dövlət darmadağın ediləcək və yerində müstəqil, azad xalqların dövlətləri qurulacaq".