Deputatlarımız Türkiyədə tədbirə qatılacaqlar - ÖZƏL

Milli Məclisin deputatları Musa Qasımlı və Aqil Məmmədov yanvarın 19-da Türkiyənin İstanbul şəhərinə səfər edəcəklər. Milli Məclisin Mətbuat və ictimaiyyətlə əlaqələr şöbəsindən "Olaylar"a bildirilib ki, səfərdə deputatlar Azərbaycanın İstanbul Baş konsulluğunun təşkilatçılığı ilə İstanbul şəhərində keçiriləcək konfransın işinə qatılacaqlar. 20 Yanvar faciəsinin 33-cü ildönümünə həsr olunan konfrans Nişantaşı Universitetində keçiriləcək. Tədbirdə millət vəkili Musa Qasımlının məruzə ilə çıxış etməsi nəzərdə tutulub.

Səfər yanvarın 20-də başa çatacaq.