Deputat  Nəcməddin Sadıkovun həbsini tələb etdi

"Keçmiş Baş qərargah rəisi Nəcməddin Sadıkov mühakimə edilməlidir". "Olaylar" xəbər verir ki, bu barədə Milli Məclisin bu gün keçirilən iclasında deputat Fazil Mustafa bildirib. "Tərtər işi"ndən danışan deputat Silahlı Qüvvələrin keçmiş Baş Qərargah rəisi Nəcməddin Sadıkovun həbs olunmasını tələb edib.

"Deyilir ki, gedənin arxasından danışmaq olmaz, amma bu vacibdir. Günahsız yerə ölən zabit və əsgərlərimizin haqqını geri qaytarmalıyıq. Eyni zamanda ordumuzun təmizlənməsi işləri də bizim üçün vacibdir və buna baxılmalıdır",- deputat bildirib.