“Qərb Rusiyanın 300 milyard dollarlıq qızıl ehtiyatını dondurub” – Maliyyə naziri

Qərb ölkələri Rusiyanın 300 milyard dollarlıq qızıl ehtiyatını dondurub. 

Bu sözləri Rusiyanın maliyyə naziri Anton Siluanov "Rossiya 1" telekanalına müsahibəsində deyib.

Onun sözlərinə görə, bu Rusiyanın ehtiyatlarının yarısı deməkdir: "Bizdə ehtiyatın cəmi 640 milyard dollardır. Onun 300 milyard dolları dondurulub"-deyə o vurğulayıb.

Siluanov deyib ki, Rusiya özünün dövlət borcu ilə bağlı öhdəliyindən imtina etmir. Amma Qərb dondurma ilə bağlı qərarı ləğv etməyənə qədər Rusiya rubl ilə ödəniş edəcək.

"Bizim qızıl-valyuta ehtiyatımız, Milli Rifah Fondunun ehtiyatı dondurulub. Bizim xarici borcları ödəməklə bağlı problemlərimiz yaranəb. Biz bu borcu ödəməkdən imtina etmirik. Amma nə qədər ki, qərar dəyişməyib bunu rublla ödəyəcəyik"-deyə nazir bildirib.