“Hazırda Rusiya Cənubi Qafqazda sabitlik yaratmaq müstəvisində tərəfdaş kimi məhz Türkiyəni görür”- Sahil İsgəndərov

Türkiyə və Rusiya Prezidentlərinin sentyabrın  29-da  görüşü ilə bağlı açıqlama verən politoloq Sahil İsgəndərov bildirib ki,Türkiyə və Rusiya Prezidentlərinin görüşündə  bir neçə məsələ müzakirə   olundu. Təsadüfü deyil ki, Putin təxminən iki həftə özünütəcrid rejimini məhz bu görüş naminə  etmişdi.   Təbii ki, bunu videoformat şəklində də təşkil edə bilərdi amma, elə məsələlər var ki, onlar yalnız ikili, qarşı-qarşıya, qapalı qaydada müzakirə  olunmalıdır. Putinin də qeyd etdiyi kimi bir çox məsələlərdə danışıqlar elə də asan getmir,  amma  sonda müsbət nəticələr əldə olunur. Bildiyiniz kimi orada ən mühüm məsələ,  Rusiyanı ən çox narahat edən Suriya və Türkiyə məsələsi idi.  Son zamanlar İdlib vilayətində bir sıra ixtişaşlar baş verməsi  yəqin  ki  yadınızdadır.  Rusiyanın raket kompleksindən hava hücumları həyata keçirilib və Türkiyəyə meylli qüvvələr zərbələr endirilmişdi. Bu müstəvidə Türkiyənin Baş Qərargah rəisi Hulusi Akar  sərt açıqlama verib. Düşünürəm ki, iki tərəf bu məsələdə konkret olaraq ortaq məxrəcə gəlməliydilər. Xatırlayırsınızsa,  son dəfə iki dövlət başçısının görüşü ötən ilin  mayında baş verib. Amma ötən ildən fərqli olaraq bu  görüşdə başqa  məsələlərdən də söhbət getdi, bura Cənubi Qafqaz  aiddir. Rusiya Prezidenti konkret olaraq bu məsələdə öz fikrini açıq - aydın bildirdi.  Görüşdən əvvəlki  açıqlamasında  Rus -Türk Monitorinq Mərkəzinin fəaliyyətini  xüsusi vurğuladı. Bu Mərkəz  Azərbaycan, Ermənistan, Qarabağ bölgəsində atəşgəsin bərpa olunmasında fəal şəkildə işləyir.  Bu gün   onu göstərir ki, konkret olaraq artıq Rusiya Cənubi Qafqazda   sabitlik yaratmaq müstəvisində tərəfdaş kimi məhz Türkiyəni görür. Bu da təsadüfi deyil. Rusiya vətən müharibəsindəki dövrdə və ondan sonraki vaxtlarda Cənubi Qafqazda münaqişənin həllində əsas moderatorlardan biri kimi çıxış edir. ABŞ, Fransa və digər dövlətlərin regionda ara qarışdırmaq və ümumiyyətlə bir növ bəzi məsələləri sıfır nöqtəsinə qaytarmaq cəhdlərinin qarşısını almaq üçün ən yaxşı müttəfiq kimi Türkiyəni görüb. İkinci bir tərəfdən qapalı görüşlərin nəticələri və mövzusu barəsində sonradan açıqlama verilməsə də, ən azı hər iki Prezidentin  görüşdən razı şəkildə çıxması  bir daha sübut edir ki, prezdentlərin gəldiyi ortaq məxrəc, nəticələr, ümümiyyətlə məmnunluqla qarşılanıb. Onların həm Suriyada, həm Cənubi Qafqazda əməkdaşlıq müstəvsində  bir-birlərinə söykənməsi bir-birlərinə dayaq olması ilə bağlıdır. Bu görüşlərdən bəlli olur ki, iki dövlət başçısı ortaq məxrəcə gəliblər. Bu isə Zəngəzur dəhlizi ilə sıx əlaqəlidir. Orada Zəngəzur dəhlizinin açılması ilə bağlı tərəflər qarşılıqlı , birgə addım atmağı, səylər göstərməyi qərarlaşdırıblar. Belə görüşlərin nəticəsi barəsində bəzi hallarda açıqlamalar verilməsə də, zaman-zaman  görüşdə ortaya gələn, əldə olunan razılaşmalar barədə məlumatlar veriləcək və istənilən  halda bu məlumatlar müsbət   olacaq. Sözsüz ki, həm Azərbaycanın, həm Türkiyənin, həm də Rusiyanın maraqları baxımından müsbət kontekst olacaq. Ermənistan bu və ya digər şəkildə , həmən  müsbət məqamları, müsbət aspektləri qəbul etmək məcburiyyətində qalacaq. Son nəticədə Zəngəzur dəhlizinin açılmasına, regionda hərtərəfli əməkdaşlığın və sabitliyin bərqərar olmasına təsir göstərəcək.