İlyas Hüseynov: "Bu zəfər milli birlik , iradə və əzimkarlıq sayəsində əldə olundu"
"Milli həmrəyliyimiz müharibə dönəmində çox önəmli idi. Hətta siyasi baxışlarından , partiya mövqeyindən asılı olmayaraq Azərbaycanda olan bütün siyasi partiyalar, dövlət başçısının siyasətinə dəstək oldular və Vətən müharibəsində öz mövqe lərini ortaya qoydular."
27 sentyabr 44 günlük Vətən müharibəsinin başlanması və zəfərlə nəticələnməsi xalqımızın böyük uğuru, milli həmrəyliyidir. Bu barədə Olaylar.az-a açıqlamasında politoloq İlyas Hüseynov söyləyib:
"27 sentyabr tarixi xalqımız üçün çox önəmli bir gündür. Bu tarix zəfər yürüşünün başlandığı tarix kimi Azərbaycanın müasir tarixinə yazılıb. 44 gün ərzində Azərbaycan xalqı 30 illik həsrətə son qoydu, torpaqlarımız işğaldan azad olundu, tarixi zəfər qazandıq. Bu zəfər milli birlik , iradə və əzimkarlıq sayəsində əldə olundu. Silahlı qüvvələrin Ali Baş Komandanı İlham Əliyevin siyasi iradəsi, prinsipiallığı və qətiyyəti sayəsində bu uğur əldə olundu. Ümumiyyətlə xalqımızın birliyi və dəmir yumruq kimi birləşməsi, vahid mövqedən çıxış etməsi,qələbənin əldə olunmasında həlledici rol oynadı . Milli həmrəyliyimiz müharibə dönəmində çox önəmli idi.Hətta siyasi baxışlarından, partiya mövqeyindən asılı olmayaraq Azərbaycanda olan bütün siyasi partiyalar, dövlət başçısının siyasətinə dəstək oldular və Vətən müharibəsində öz mövqelərini ortaya qoydular. Eyni zamanda xalqımızın bütün fərdləri arasında artıq erməni işğalına son qoymaq, düşməndən intiqam almaq və beynəlxalq hüququ bərqərar etmək istiqamətində vahid və önəmli mövqe formalaşmışdı. Bunun nəticəsində artıq milli identiklik, milli özünüdərk və eyni zamanda milli oyanış prosesi formalaşır və əsas meyar , amal olaraq torpaqların işğaldan azad olunması , Azərbaycanın suverenliyini, ərazi bütövlüyünü , beynəlxalq səviyyədə tanınmış sənədlərin bərpası kimi prioritetlər hər şeydən öndə idi. Vətən müharibəsində Azərbaycan xalqının yenilməz iradəsinə də bütün dünya şahidi oldu. Belə ki, həm Gəncə, həm də Bərdə terrorunda bütün vətəndaşlarımız öz evlərində qalaraq , bölgəni, şəhərləri tərk etmirdilər. Bu isə bizim artıq 90-cı illərdə olmadığımızı və ermənilərin dinc əhaliyə divan tutmaq yolu ilə əraziləri boşaltmaq istiqamətində niyyətlərinin puça çıxdığını göstərdi. Ermənistan nəinki Gəncə və Bərdəyə raket zərbələri endirdi , həm də cəbhəyanı bölgələrdə Tərtər, Ağcabədi, Bərdə Kürdəmir, Xızı və digər ərazilərimizə də raket zərbələri endirmişdi. Təbii ki, Mingəçeviri də bura xüsusi qeyd etmək lazımdır. Burada önəmli amil milli birliyimizin və həmrəyliyimizin konseptual əsaslarının formalaşması idi. Azərbaycan xalqı bütün dünyada olan azərbaycanlılarla birlikdə artıq vahid nöqtəyə toxunur və diplomatik, siyasi müstəvidə bizim mövqelərimizi gücləndirirdi. Bu milli birlik həm də Azərbaycan həqiqətlərinin formalaşmasını təmin etniş oldu. Azərbaycanın formalaşdırdığı reallıqlar və şərtlər əsasında erməni diplomatlara , Xarici İşlər Nazirliyinə , Ermənistanın baş nazirinə ünvanlan suallar qarşısında acizliyi ilə seçilirdilər. Nəticədə 44 günün sonunda birgə bəyənat imzalandı. Regionda sülhün və təhlükəsizliyin formalaşması üçün əlverişli mühütin olması meydana gəldi. Hazırda da sülhün dayanıqlığının artırılması istiqamətində təşəbbüslər göstərilir. 27 sentyabr tarixi Azərbaycan tarixində hər zaman qalacaqdır. Vətən müharibəsinin azadlıq , ərazi bütövlüyü müharibəsinin başlandığı gün kimi dünya tarixinə daxil olacaqdır."
Mehriban Xəlilli