İlham Əliyevin bölgəyə səfəri Bakının sərhədlərin bərpasında geri çəkilməyəcəyi mesajının verilməsidir

"İlham Əliyev Laçın və Kəlbəcərə - sərhəd toqquşmasının olduğu bölgəyə gedib. Əliyevin Qarabağa getdiyi gün müdafiə nazirinin Türkiyəyə səfərə etməsi diqqət çəkir". "Olaylar" xəbər verir ki, bunu deyən politoloq Asif Nərimanlının sözlərinə görə, bunun fonunda sərhəddə erməni təxribatı da davam edir. Kəlbəcər istiqamətində təxribat törədən Ermənistan itki verib: rəsmi məlumata görə 1 erməni əsgəri ölüb: "Bu, gün ərzində Ermənistanın rəsmi təsdiqlədiyi ikinci itkisidir. Əliyevin faktiki eskalasiyanın olduğu bölgəyə səfəri Bakının sərhədlərin bərpasında geri çəkilməyəcəyi mesajının verilməsidir, həm İrəvana, həm Moskvaya".