NATO Azərbaycana Əfqanıstanda sülhməramlı fəaliyyətinə görə minnətdardır

Azərbaycan 2002-ci ildən Əfqanıstanda sülhməramlı əməliyyatları dəstəkləyir və NATO buna görə minnətdardır.

Olaylar.az Trend-ə istinadən bildirir ki, bunu Latviyanın sabiq müdafiə naziri, Latviyanın NATO-dakı nümayəndə heyətinin üzvü Raymonds Berqmanis "Azərbaycanın Avro-atlantik sülh və təhlükəsizliyə töhfəsi" adlı beynəlxalq konfransda deyib.

O qeyd edib ki, Latviya NATO üzvü olaraq Azərbaycanla alyansın münasibətlərini müsbət qiymətləndirir: "Azərbaycan və NATO hərbi tədris sahəsində fəal əməkdaşlıq edir. Azərbaycan həm də hərbi tədris sahəsində NATO tərəfindən tövsiyə olunan islahatları həyata keçirib".