PKK/PYD İstanbul, Ankara və İzmirdə teraktlar törətməyi planlaşdırırmış

Türkiyənin Mardin şəhərində təhlükəsizlik qüvvələri bomba yüklü bir maşınla birlikdə 3 terrorçunu sağ olaraq yaxalayıblar. Qaziantepdə isə terror təşkilatı PKK/ PYD/YPG-nin düşərgələrində təlim keçən bir terrorçu yaxalanıb.

Avropa.info xəbər verir ki, həmin şəxsin PKK/ PYD/YPG silahlı terror təşkilatı üzvü olduğu, Suriyanın Telabyad bölgəsində yerləşən PYD/YPG düşərgələrində təlim keçdiyi ortaya çıxıb.

Mardin valisi Mustafa Yaman, şəhərdə 250 kq partlayıcı maddə ilə yaxalanan PKK/PYD terrorçularının böyük şəhərlərdə 32 terror aktı keçirməyi planlaşdırdıqlarını açıqlayıb.

Valinin sözlərinə görə, terrorçular İstanbul, Ankara və İzmirdə terror aktları törətməyi planlaşdırırmışlar.