ABŞ-ın Kaliforniya ştatının Silikon vadisində zəngin insanlar qiyamət gününə hazırlaşmağa başlayıb.
Publika.az xəbər verir ki, varlılar texnologiyanın inkişafından sonra iş yerlərini itirən insanların qiyam edəcəyini düşünürlər. Qiyam edəcək insanların ilk hədəfinin "Facebook", "Google", "Apple" və "Microsoft" kimi firmaların yerləşdiyi Silikon vadisi olacağı təxmin edilir.
"Linkedin" şəbəkəsinin yaradıcı Reid Hoffman bildirib ki, bir neçə motosikleti, silahı və çoxlu mərmisi var: "Qida da toplamışam. Evimin altındakı zirzəmidə uzun müddət qalmağa bəs edər".
"Facebook"-un keçmiş əməkdaşlarından olan Antonio Qarcia bir adada böyük ərazi aldığını bildirib. Adada ona məxsus əraziyə generator, günəş panelləri və silahlar yığdığını deyib.
"Reddit" sisteminin qurucularından olan Yişan Vonq qaçış planlarının olduğunu bildirib.
Varlılar arasında hətta muzdlu əsgər ordusu yaradaraq döyüşmək istəyənlər də var.
ABŞ-da Donald Tramp prezident seçiləndən sonra qiyamət gününün simvolu olan "Qiyamət saatı" 30 saniyə irəli çəkilib. Bununla da,qiyamətin baş verəcəyi gecə yarısı vaxtına 2 dəqiqə 30 saniyənin qaldığı hesab olunur. "Qiyamət saat"ında dəyişikliyin edilməsi səbəbi Trampın iqlim dəyişikliyi və nüvə silahlarına yanaşmasıdır.
96 saat sonra gözlənilən fəlakət: ərzaq və dərman tədarükü başlandı - XİLAS PLANLARI
Qeyd edək ki, survivalistlər (qiyamət gününə hazırlaşanlar) hələ ABŞ-dakı prezident seçkilərindən öncə hazırlaşmağa başlamışdı. Onların hesablamalarına görə, seçkinin nəticələrinin necə olmasından asılı olmayaraq, ABŞ-da vətəndaş müharibəsi və xaos başlanacaq. Buna görə də survivalizm tərəfdarları özləri üçün ərzaq, dərman ləvazimatları, silahlar və sığınacaqlar hazırlayıb.