Mədəniyyət
“Türkmənşəli erməni soyadları” adlı yeni kitab işıq üzü gördü
Uzun illər Qərbi Azərbaycanın tarixi, coğrafiyası, abidələri, folkloru və s. haqqında silsilə kitablar yazan tədqiqatçı alim Əziz Ələkbərlinin müəllifliyi ilə (Elbrus Qaraqoyunlu ilə birlikdə) yeni bir kitab işıq üzü görmüşdür: "Türkmənşəli erməni soyadları". Məsləhətçisi Baş nazirin müavini Əli Həsənov, redaktorları akademik Nizami Cəfərov, professor Buludxan Xəlilov olan 512 səhifəlik kitabda 1001 erməni soyadı araşdırılmış, onların mənşəyi, leksik-qrammatik xüsusiyyətləri tədqiq edilmişdir.
Fransa mətbuatı da Azərbaycan haqda yazdı
Paytaxt Bakı turistləri cəlb etmək üçün böyük səy göstərir. Fransa mətbuatında dərc olunan “Azərbaycan - Bakı: təzadlarla dolu paytaxt” adlı məqalədə belə yazılır.
Misir səfiri “Səfir saatı” klubunda
Azərbaycan Respublikasının Prezidenti yanında Bilik Fondunun “Səfir saatı” klubunda Misir Ərəb Respublikasının Azərbaycandakı fövqəladə və səlahiyyətli səfiri xanım Suzan Cəmil ilə görüş keçirilib. Fonddan “Olaylar” – a bildirilib ki, görüşdə Bakı Dövlət, Azərbaycan Dillər, Azərbaycan Dövlət İqtisadiyyat, Bakı Slavyan, Azərbaycan Turizm və Menecment Universitetlərinin Beynəlxalq münasibətlər və diplomatiya ixtisası üzrə təhsil alan tələbələri və Bilik Fondunun əməkdaşları iştirak ediblər.
Qazaxıstanın Qızıl Orda günlərinin açılışı Musiqili Teatrda
Aprelin 12 və 15 – də Qazaxıstan Respublikasının Qızıl Orda Vilayətinin Azərbaycanda Mədəniyyət Günləri keçiriləcək. Azərbaycan Dövlət Musiqili Teatrının Mətbuat katibi Samir Sədaqətoğlu “Olaylar” – a bilbirib ki, Mədəniyyət Günlərinin açılış mərasimi 12 aprel tarixində saat 19.00-da Musiqili Teatrda baş tutacaq. Tədbirin rəsmi hissəsindən sonra Qazaxıstan Respublikasının Qızıl Orda Vilayətinin incəsənət ustaları konsert proqramı ilə çıxış edəcəklər.
Amsterdamda Firəngiz Əlizadənin “Nasimi Passion” əsərinin premyerası olub
Aprelin 7 və 9 – da «UNESCO-nun Sülh naminə Artisti» titulunun sahiblərindən biri, professor Firəngiz xanım Əlizadənin Hollandiyanın paytaxtı Amsterdam şəhərində “Amsterdam Royal Concertgebouw” konsert sarayında ölkənin kral simfonik orkestrinin, xorunun və solistlərinin müşayiəti ilə “Nasimi Passion” əsərinin premyerası olub.
Şimali Osetiya teatrının Bakı qastrolu yekunlaşdı
Gənc Tamaşaçılar Teatrının qonağı olan Vladiqafqaz Dövlət Gənc Tamaşaçılar Teatrının qastrol səfəri uğurla yekunlaşıb. Qarşılıqlı yaradıcılıq müqaviləsinin müvafiq bəndlərinə uyğun olaraq baş tutan qastrol aprel ayının 7-dən – 9-dək davam edib. Üç gün ərzində Şimali Osetiya teatrı daimi tamaşaçılarımıza “Потеха для смеха” nağılının motivləri əsasında O.Rozumun “Жили-были” tamaşasını nümayiş etdirib. Teatrdan “Olaylar” – a bildirlib ki, tamaşanın quruluşçu rejissoru Amzor Barakov, quruluşçu rəssamı Svetlana Sitoxova, xoreoqrafı Valeriy Suanov, musiqi tərtibatçıları Qabriel Qabarayev, Diana Sarukayevadır.
“Dəlinin qeydləri” “Hərarətli ürək”də
Gənc Tamaşaçılar Teatrının yaradıcı heyəti növbəti Beynəlxalq Teatr Festivalına hazırlaşır. Rusiya Federasiyasının İvanov vilayətinin Kineşma şəhərində keçiriləcək “Hərarətli ürək” klassik Rus dramaturgiyası III Beynəlxalq Teatr Festivalında ölkəmiz N.V.Qoqolun “Dəlinin qeydləri” mono- tamaşası ilə təmsil olunacaq. Teatrdan “Olaylar” – a bildirilib ki, festival İvanov vilayəti rəhbərliyi, İvanov vilayətinin Mədəniyyət və Turizm Departamenti, A.N.Ostrovski adına Kineşma Dram Teatrının təşkilatçılığı ilə həyata keçirilir.
Musiqili Teatrda “Bankir adaxlı”
Musiqili Teatrda Emin Sabitoğlu və Tamara Vəliyevanın “Bankir adaxlı” iki hissəli musiqili komediyası növbəti dəfə nümayiş olunacaq.Dövlət Musiqili Teatrının Mətbuat katibi Samir Sədaqətoğlu “Olaylar” – a bildirib ki, tamaşanın nümayişi 16 aprel tarixində, saat 19.00-da baş tutacaq. Komik situasiyalarla zəngin və dinamik süjet xəttinə malik olan səhnə əsəri hər nümayiş zamanı tamaşaçıların böyük marağına səbəb olur və Musiqili Teatrın ən çox tələb olunan tamaşaları sırasındadı.
.jpg)
