Şərif Ağayar yarmarkada kitab imzalayacaq

İyunun 3-ü saat 15-də yazıçı Şərif Ağayar “Qanun” nəşriyyatının “Elmlər Akademiyasının bağı”nda təşkil etdiyi kitab yarmarkasında iştirak edəcək. Yazıçı yarmarkada oxucuları ilə görüşəcək və yeni çıxan “Arzulardan sonrakı şəhər” romanını imzalayacaq.

Xalça Muzeyində uşaqlar günü

“1 iyun-Uşaqların Beynəlxalq Müdafiəsi Günü” Azərbaycan Xalça Muzeyində də qeyd olunub. Muzeydən “Olaylar” – a bildirlib ki,  hər il olduğu kimi muzey bu ildə öz ənənəsinə sadiq qalaraq, uşaqları diqqətdən kənar qoymayıb onlar üçün geniş bayram tədbiri təşkil edib. Muzeyin qarşısında onların böyük sevincinə səbəb olan “Sabahın ulduzları” adlı bayram tədbiri keçirilib. Müxtəlif proqramlarlar çərçivəsində qeyd olunacaq bayramda muzeyin Uşaq Muzeyi şöbəsinin dərnək üzvlərinin “Sabahın ulduzları” rəsm sərgisi nümayiş olundu, həmçinin “Sən istedadsan” layihəsinin iştirakçısı olan Aydan İlxaslı musiqi nömrəsi ilə çıxış etdi.

Musiqili fidanlar

 İyunun 1 – də  Azərbaycan Musiqi Mədəniyyəti Dövlət Muzeyinin filialı olan Niyazinin mənzil muzeyində Uşaqların Beynəlxalq Müdafiəsi günü münasibətilə “Musiqili fidanlar”adlı tədbir-konsert keçirilib. Muzeydən “Olaylar” – a bildirlib ki, tədbiri giriş sözü ilə Niyazinin mənzil muzeyinin müdiri Rza Bayramov açıb. Sonra R.Babayev adına 25 №-li 11 illik Musiqi Məktəbinin tədris işləri üzrə direktor müavini Bəturə Məmmədova çıxış edib.  Çıxışlar muzeyin arxiv materialları əsasında hazırlanmış Azərbaycanın görkəmli musiqi xadimlərinin uşaqlıq və yeniyetməlik dövrünü əks etdirən nadir fotolardan və muzeyin tədbirlərində iştirak etmiş istedadlı uşaqların şəkillərindən ibarət slayd-şou ilə müşayiət olunub.

Musiqili Teatrın iyun REPERTUARI

Azərbaycan Dövlət Musiqili Teatrı 107-cı teatr mövsümü 2017-ci il iyun ayı üçün repertuar planı 02.02 C. Barrinin, Qrimm qardaşları “Bremen musiqiçiləri və Pen” 12.00 02.02 C. Barrinin, Qrimm qardaşları “Bremen musiqiçiləri və Pen” 15.00 02.06 F. Əmirovun musiqiləri əsasında “999-cu gecə” 19-00 03.06 Elçin “Baladadaşın toy hamamı” 19-00

Beynəlxalq Uşaq Günü Dövlət Gənc Tamaşaçılar Teatrında yeni layihə ilə qeyd olunub...

Gənc tamaşaçılar Teatrı  teatr-məktəb əlaqələrinin möhkəmlənməsi istiqamətində fəal işlər görərək, daha bir layihəyə imza atıb. Belə ki, 1 İyun – Beynəlxalq Uşaq Günü münasibətilə teatrda yeni tamaşa hazırlanıb. Hazırlanan tamaşanın özəlliyi ondan ibarət olub ki, səhnədə teatrın gənc və peşəkar aktyorları yanaşı, məktəb şagirdləri də öz məharətlərini göstərmək imkanı əldə ediblər. Gənc Tamaşaçılar Teatrı və 6 saylı məktəb-litseyin İB proqramı üzrə təhsil alan şagirdlərinin ifasında nümayiş olunan yeni tamaşa Azərbaycan Xalq nağılı “Məlikməmməd” əsasında hazırlanıb.

Muğam Mərkəzində Almas Yıldırımın yaradıcılıgına həsr olunmuş tədbir

 Mədəniyyət və Turizm Nazirliyinin təşkilatçılığı ilə Beynəlxalq Muğam Mərkəzində Azərbaycan mühacirət ədəbiyyatının görkəmli nümayəndəsi, istiqlal şairi Almas İldırımın anadan olmasının 110 illiyi qeyd edilib. Mərkəzdən “Olaylar” – a bildirlib ki, Mədəniyyət və Turizm nazirinin birinci müavini Vaqif Əliyev çıxış edərək şairin həyat və yaradıcılığından, Azərbaycan poeziyasına töhfələrindən danışıb. Bildirib ki, Azərbaycan mühacirət poeziyasının görkəmli simalarından biri, adı və əsərləri qəm, həsrət və ayrılıq simvolu kimi anılan Almas Yıldırım özünəməхsus poetik tərzi ilə hər zaman diqqəti çəkib. Altı il sürgün həyatı yaşayan Almas Yıldırım Dağıstandan, Türkmənistandan, İrandan keçərək Türkiyədə məskunlaşıb və ömrünün sonuna qədər burada yaşayıb-yaradıb.

"Mənim adım Azər"- Yeni milli film gəlir!

Son zamanlar gənclərin milli ruhda tərbiyələndirilməsi, milli təbliğatın mədəni yolla inkişaf etdirilməsi sahəsində dövlətimizə əvəzsiz xidmət edən, bu müqəddəs işlə tamamən təmənnasız məşğul olaraq milli-vətənpərvər mövzuda üç film (“BOZQURDUN İNTİQAMI”, DİRİLİŞ ERGENEKON”, “VƏTƏN BAYRAQDIR, BAYRAQ NAMUSDUR!”) çəkmiş gənc istedadlı Yazar və Rejissor Elşən İsmayılın özü qədər gənc istedadlı komandasının qonağı olduq.

Musiqili Teatrda bir gündə 2 premyera

Uşaqlardan uşaqlara

İyunun 7 – də Azərbaycan Dövlət Uşaq Filarmoniyası Gənc Tamaşaçılar teatrının səhnəsində balaca dostlarının görüşünə gələcək.Filarmoniyadan “Olaylar” – a bildirlib ki, proqram zəngin repertuarı, fərqli nömrələri ilə seçilir. Konsert proqramında xalq rəqsləri, Azərbaycan bəstəkar əsərləri ilə yanaşı dünya xalqlarının rəqsləri də yer alacaq. Konsertdə rəqs ansamblı, kamera ansamblı, “Şəms” uşaq xoru, eləcə də Uşaq Xor Kapellasınının ifasında maraqlı çıxışlar gözlənilir.

Sarayda“Füzuli yadigarı”

İyunun 28-də Heydər Əliyev adına Sarayda Azərbaycan ədəbiyyatının görkəmli nümayəndəsi, şair Əliağa Vahidin xatirəsinə həsr olunmuş “Füzuli yadigarı” adlı ədəbi bədii gecə keçiriləcək.

Akademik Milli Dram Teatrında uşaqlar “Çipollino” ilə sevinəcək

 Akademik Milli Dram Teatrı 1 iyun Uşaqların Beynəlxalq Müdafiəsi Günündə azyaşlı tamaşaçıları məşhur “Çipollino” tamaşası ilə sevindirəcək. Teatrın mətbuat katibi Cavid Zeynallının”Olaylar” – a verdiyi məlumata görə, səhnə əsəri məşhur italyan yazıçısı və jurnalisti Canni Rodarinin “Çipollino” əsəri əsasında hazırlanıb. Tamaşanın rejissoru, musiqi tərtibatçısı və yeni səhnə redaksiyasının müəllifi Əlif Cahangirli, rəssamı əməkdar mədəniyyət işçisi İlham Əsgərov, xoreoqrafı Lalə Hacıyeva, rejissor assistenti Nərmin Həsənovadır. Canni Rodari “Çipollinonun macəraları” kitabı ilə dünya şöhrəti qazanıb. Tezliklə populyarlaşan bu əsərə 1961-ci ildə ilk cizgi filmi, 1973-cü ildə isə “Çipollino” nağıl-filmi çəkilib.

Habil Əliyev Muğam Mərkəzində anıldı

Mədəniyyət və Turizm Nazirliyinin təşkilatçılığı ilə Beynəlxalq Muğam Mərkəzində milli musiqi sənətinin görkəmli nümayəndəsi,məşhur kamança ustası,xalq artisti Habil Əliyevin anadan olmasının 90 illiyinə həsr olunmuş xatirə gecəsi keçirilib. Tədbirdə Habil Əliyevin həyat və fəaliyyətindən bəhs edən videoçarx numayiş olundu. Mərkəzdən “Olaylar” – a bildirilib ki, ilk olaraq səhnəyə gecənin aparıcısı Azərbaycanın Əməkdar İncəsənət xadimi,sənətşunaslıq doktoru,professor İlham Rəhimli çıxaraq sənətkarın ömür yolundan,Azərbaycan musiqi sənətinin inkişafındakı xidmətlərindən danışıb.

Musiqili Teatrda Uşaqların Beynəlxalq Müdafiəsi Günü

1 İyun Uşaqların Beynəlxalq Müdafiəsi Günü Musiqili Teatrda qeyd olunacaq. Teatrının mətbuat katibi Samir Sədaqətoğlu “Olaylar” – a bildirib ki, 67 ildir ki, bütün dünyada qeyd olunan 1 İyun Uşaqların Beynəlxalq Müdafiəsi Günü münasibəti ilə Musiqili Teatrda konsert proqramı təşkil olunacaq. UNESCO-nun Assosiativ məktəblər şəbəkəsinin üzvü olan Bakı Avropa Liseyinin təşkilatçılığı ilə baş tutacaq tədbirdə lisey şagirdlərinin ifasında dünyanın bir sıra xalqlarının rəqsləri nümayiş olunacaq.

Şükufə Yusupova ad gününü Musiqili Teatrda qeyd etdi

Xalq artisti, “Şöhrət” ordenli, Prezident təqaüdçüsü Şükufə xanım Yusupovanın doğum günü Musiqi Teatrda qeyd olunub. Teatrının Mətbuat katibi Samir Sədaqətoğlu “Olaylar” – a  bildirib ki, Şükufə xanım Yusupova doğum gününü uzun illərdir ki, əməkdaşlıq etdiyi Musiqili Teatrın səhnəsində qeyd edib. Sevilən aktrisa ötən gün Xalq yazıçısı İlyas Əfəndiyevin məşhur “Mənim günahım” pyesi əsasında hazırlanan eyniadlı səhnə əsərində onu sevənlərin qarşısına çıxıb. Balet-tamaşa həmişə olduğu kimi, bu dəfə də tamaşaçılar tərəfindən böyük coşqu ilə qarşılanıb.

Xoreoqrafiya Akademiyası “Yeddi gözəl” baletini təqdim etdi

 Akademik Opera və Balet Teatrının səhnəsində  Xoreoqrafiya Akademiyasının tələbələrinin ifasında ilk dəfə olaraq dahi Azərbaycan bəstəkarı Qara Qarayevin “Yeddi gözəl” baleti nümayiş etdildi. Akademiyadan “Olaylar” – a bildirlib ki, tələbələrinin buraxılış-hesabat tamaşası olan “Yeddi gözəl” baleti həm də Bakı Xoreoqrafiya Akademiyasının “Azərbaycan Respublikasında İslam Həmrəyliyi ili”nə həsr olunmuş növbəti layihələrindən biridir. Baş rolların ifaçıları Bakı Xoreoqrafiya Akademiyasının tələbələri - Fatimə Xələfova və Qəmər Almaszadə adına Klassik və Milli Rəqs üzrə I Beynəlxalq Müsabiqənin laureatları Seymur Qədiyev, Dinara Şirinova və Nurlan Rəsulov idi.