Bakıda çayxanada qan düşdü

Suraxan rayonunda çay evində iki nəfər bıçaqlanıb

Ötən gün axşam saatlarında Bakının Suraxan rayonunda çay evində iki nəfər bıçaqlanıb. Suraxanı rayon Polis İdarəsindən ANS PRESS-ə verilən məlumata görə, hadisə Bülbülə qəsəbəsində yerləşən çay evlərinin birində baş verib. Belə ki, çayxanada söyüş üstündə dava olub. Dava zamanı 1988-ci il təvəllüdlü Ülvi Musayev və 1988-ci ilə təvəllüdlü Zaur Heydərov bıçaqlanıb. Hər iki yaralı xəstəxanaya yerləşdirilib. Hələlik hadisənin digər iştirakçısı, yaxud iştirakçılarının kimliyi məlum deyil. Faktla bağlı araşdırma aparılır.