Xalq artistinin adına açılmış daha 2 saxta “Facebook” profili bağlanıldı

"Facebook"-da xalq artisti Faiq Ağayevin adına açılmış növbəti iki saxta profil də etibarsız bilinərək bağlanılıb. "Olaylar"-ın məlumatına görə, Faiq Ağayev bu barədə sözügedən sosial şəbəkədəki hesabında yazıb. Qeyd edək ki, bundan əvvəl isə xalq artistinin adına açılmış daha 3 saxta hesab bağlanılmışdı. Son zamanlarda bir sıra naməlum şəxslər Faiq Ağayev adından hesablar açaraq xalq artisti olduğunu iddia edərək, paylaşımlar ediblər. Şəxlər bu yolla özlərinə reytinq və dost qazanmağa çalışıblar. ("OLAYLAR" İA)