Alim Qasımov 1 ay Azərbaycanda olmayacaq

Azərbaycanın xalq artisti, tanınmış xanəndə Alim Qasımov Meksikaya qastrola gedəcək. "Qafqazinfo" xəbər verir ki, Alim Qasımov azNews.az-a bildirib ki, oktyabrda reallaşacaq səfər bir ay davam edəcək: "Bu uzun müddətli bir səfərdir. Səfərə qızım - muğam ifaçısı Fərqanə Qasımova ilə birlikdə gedəcəyik. Qastrol zamanı keçirəcəyimiz konsertlərdə Azərbaycan muğamları və dəstgahlar ifa edəcəyik".

A.Qasımov onu da deyib ki, hazırda əməkdar artist Fərqanə Qasımova Balkan ölkələrində səfərdədir və yaxın 4 gün ərzində vətənə dönəcək.