“Avroviziya 2015”: yarımfinalların və finalın vaxtı müəyyənləşib

Avstriyanın ev sahibliyi edəcəyi "Avroviziya 2015" mahnı müsabiqəsinin yarımfinal və final mərhələlərinin vaxtı müəyyənləşib. "Media forum" saytının məlumatına görə, mahnı müsabiqəsinin yarımfinalları mayın 19-u və 21-i, finalı mayın 23-də keçiriləcək. Müsabiqənin keçirilməsi üçün 3 şəhərin namizədliyi irəli sürülüb. Bunlar paytaxt Vyana, eləcə də İnsbruk və Qrats şəhərləridir. "Avroviziya 2014" mahnı müsabiqəsində Avstriya təmsilçisi Konçita Vurst (Tomas Noyvirt) qələbə qazanıb.