Ancelina Coli kino ilə vidalaşır

Hollivud ulduzu Ancelina Coli  növbəti rolundan sonra kino ilə vidalaşacaq.  Axşam.az xarici mətbuata istinadən xəbər verir ki, bu barədə Coli "BBC Radio 5 Live"ə müsahibəsində deyib. Gələcəklə bağlı planlarından danışan aktrisa indi Kleopatra roluna hazırlaşdığını bildirib. 

"Bu rola yaradıcılığımın möhtəşəm finalı kimi baxmaq mümkündür. Belə roldan sonra daha nəyə cəhd etmək olar?"  deyən aktrisa tezliklə kinodan ayrılacağına eyham vurub.

Qeyd edək ki, rejissoru hələ məlum olmayan  filmin ssenarisini "Forrest Qamp", "Bencamin Battonun qəribə hekayəti" kimi filmlərin ssenari müəllifi  Erik Rot yazıb.