"Əsl sevənlər üçün ilin 365 günü"

Ailem.az-ın "O..." rubrikasının növbəti qonağı tanınmış şoumen, teleaparıcı Murad Dadaşovdur. Rubrikada suallarımızla "O..."nun həyata baxışına, dünya görüşünə, təfəkkürünə, seçimlərinə işıq tutmağa çalışacağıq.

- Sevgi, ya qarşılıqlı hörmət?

- Yalnız böyük sevgi qarşılıqlı hörmətə gətirir!

- Subaylıq, ya evlilik?

- Əksər vaxtlar evlilik. Amma hərdən subaylıq hissi.

- 1 uşaq, ya çox uşaq?

- Tərbiyə edə biləcək qədər uşaq.

- Qaynana, ya gəlin?

- "Qaynanalıq" etməyən qaynana, "gəlinlik" etməyən gəlin.

- Tək arvadlılıq, yoxsa çoxarvadlılıq?

- Tək arvadlılıq. Bimənalı!

- Evdə qadının, ya kişinin sözü?

- Ümumi maraqlara xidmət edəcək qərar. Adətən kişi tərəfdən olduğu üçün kişi sözü.

- Muğam ya pop?

- Baxır əhval-ruhiyyəyə.

- Qadın, yoxsa kişi sürücü?

- Birmənalı olaraq kişi sürücü!

- Evdə, yoxsa restoranda romantik yemək?

- Yalnız restoranda.

- Qışda, yoxsa yayda tətil?

- Hər ikisində, bir də yazla payızda.

- Kənd, ya şəhər?

- Şəhər!

- "Bakılı oğlanlar", yoxsa "Planet parni iz Baku"?

- KVN.

- Gəncə, yoxsa Bakı?

- Qarabağ!

- Şoumen, yoxsa aktyor?

- Şoumen!

- Xəngəl, yoxsa xaş?

- Xəngəl!

- "Mərc şou", yoxsa "Maşın şou"?

- Yeni şou.

- "Kəpəz", yoxsa "Neftçi"?

- "Real Madrid".

- Yeni il, yoxsa Novruz bayramı?

- Yeni il!

- 14 fevral, yoxsa 30 iyun?

- Əsl sevənlər üçün ilin 365 günü.

- 26 iyun, yoxsa 8 mart?

- Heç biri!

- Bişirmək, ya yemək?

- Hər ikisi!

- Pəhriz ya nə gəldi yemək?

- Mədəni yox, ağlı qoşub yemək.

- Bağışlamaq, yoxsa nifrət?

- Dəyər verəni bağışlamaq, digərlərinə qisas!

- Sizin qayğınız, yoxsa sizə qayğı?

- Hər ikisi!

- Hədiyyə, yoxsa, bir söz yetər?

- Hədiyyə!

- Kitab, ya jurnal?

- İndiki zəmanədə jurnal.

- Film, yoxsa serial?

- Film.

- Teatr, ya kinoteatr?

- Tək olanda teatr, ailəvi kinoteatr!

- Sonda olum, ya ölüm?

- Olum! Yalnız olum!!!