Tanınmış britaniyalı aktrisa dünyasını dəyişdi

Tanınmış britaniyalı aktrisa Keyt O'Mara dünyasını dəyişib. Milli.Az Rusiya mətbuatına istinadən xəbər verir ki, aktrisa ömrünün 74-cü baharında Britaniyanın Sasseks qraflığında gözlərini əbədi olaraq yumub. Aktrisa "Dinastiya" serialındakı Kassandra roluna görə dünya şöhrəti qazanmışdı. 1980-ci illərdə elmi-fantastik "Doktor Kim" serialındakı roluna görə də məşhurlaşıb. "Böyük Yekaterina" filmində də rol alıb. Aktrisa yaradıcılığı ərzində ümumilikdə 50-dən çox teleserial və filmdə rol alıb. O, özünü yazıçı kimi də sınayıb. Avtobioqrafik və sevgi romanları yazıb.