Eldarın konsertinə bilet tapılmır

Azərbaycana Eurovision mahnı  müsabiqəsində qalibiyyət  gətirən sevilən müğənni Eldar Qasımov 23 fevral tarixində şəhərin əyləncə mərkəzlərinin birində ilk dəfə olaraq konsert verməyə hazırlaşır.  "The One" adlı proqramla sevənlərinin qarşısına çıxacaq müğənni sosial şəbəkələrdəki səhifəsində qonaqlara maraqlı sürprizlər vəd edib. Konsert hazırlıqlarına və " Böyük Səhnə" projesindəki münsif fəaliyyətinə  başı qarışan sənətçi  bu arada sevənləri tərəfindən xoş  sürprizlə  qarşılaşıb. Belə ki, Eldarın baş tutacaq konsertinin bütün biletləri 10 gün öncədən bitib. Bu barədə "OLAYLAR"-az-a açıqlama verən konsertin təşkilatçısı Sənan Kazımov tələbatı nəzərə alaraq Eldarla yeni  konsert layihələri etmək fikrində olduğunu bildirib.