Ötən ay Azərbaycanda bir şirkətə turizm fəaliyyəti ilə məşğul olmaq üçün lisenziya verilib

Mədəniyyət və Turizm Nazirliyi tərəfindən iyun ayı ərzində bir şirkətə turizm fəaliyyəti ilə məşğul olmaq üçün xüsusi razılıq (lisenziya) verilib. Nazirlikdən Trend-ə verilən məlumata görə, lisenziya "MİKADO" MMC-yə verilib. Şirkət Bakıda fəaliyyət göstərəcək. Lisenziya Azərbaycan Prezidentinin 02.09.2002-ci il tarixli fərmanı ilə təsdiq olunmuş "Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar"a və Nazirlər Kabinetinin 07.11.2002-ci il tarixli və 05.12.2008-ci il tarixli "Fəaliyyət növlərinin xüsusiyyətlərindən asılı olaraq xüsusi razılıq (lisenziya) verilməsi üçün tələb olunan əlavə şərtlər barədə" qərarlarına uyğun olaraq verilib.