"Muhteşem Yüzyıl"da qəfil yenilik

Tükəndiyini və yorulduğunu deyərək çəkilişləri yarımçıq qoyaraq Almaniyaya yollanan, geri qayıtmayan Məryəm Üzərlinin yerinə Hürrəm Sultan roluna Vahide Gördüm təyin ediləndən sonra "Muhteşem Yüzyıl" serialı çox sərt tənqidlərə məruz qalmışdı.
Milli.Az AHT-yə istinadən bildirir ki, serialı çəkən "Tims Production" studiyası tamaşaçıların tənqidlərini bir qədər azaltmaq üçün serialda yeniliyə əl atıb.
Yeni mövsümdən etibarən serialda Sarı Səlim obrazı olacaq. Həmin rol "Öyle bir geçer zaman ki" serialındakı Mete rolundan sonra məşhurlaşan Aras Bulut İynemliyə həvalə ediləcək.
Aras Bulut İynemlini tamaşaçılar "Muhteşem Yüzyıl"da Qanuni Sultan Süleymanın oğlu Sarı Səlim rolunda yeni mövsümün ilk seriyalarından etibarən görəcəklər.